- Junia 2019 ESPERANTO Revuo de UEA.
- `````````````````````````
- Interesa artikolo
- Kiom da homoj en la mondo parolas Esperanton?
- Amri Wandel (Hebrea Universitato-Jerusalem, Israelo -Akademio de Esperanto)
- Esperantigita laŭ la anglalingva artikolo prezentita en universitata konferenco (3-a Internacia Scienc-praktika konferenco:“Lingvo kaj parolo en Interreto: persono,socio, komunikado, kulturo”,
- Moskvo,RUDN, 25–26 aprilo 2019).
- Resumo: La artikolo revizias la nombron de Esperanto-parolantoj tutmonde, surbaze de diversaj metodoj,
- kiel interretaj kursaj statistikoj, la sociaj retoj kaj pli tradiciaj kalkuloj. Ĉiuj tiuj metodoj atingas la nombron de kelkaj milionoj. Aparte, ni revizias la metodon proponitan de Wandel (2015), kiu uzas la nombron de Esperanto-parolantaj
- Facebook-uzantoj kaj la prezentadon de Esperanto en la lingvistika retejo Ethnologue. Enkonduko
- Lastatempaj taksoj pri la nombro de la parolantoj de Esperanto, la internacia lingvo kreita en 1887 de D-ro
- L. L. Zamenhof, atingas kelkajn milionojn.
- Ĉi tiuj taksoj rilatas al la drasta kresko de la komunumo de
- Esperanto-uzantoj en la interreto, precipe en sociaj retoj kaj en interretaj lingvokursoj. Tra la jaroj, taksoj pri
- la nombro de Esperanto-parolantoj multe variis, de modesta 100 000 ĝis 16 milionoj. Ĉi tiuj taksoj estis bazitaj sur
- membrecaj statistikoj kaj sur datumoj pri vendoj de Esperanto-lernolibroj [1]. La sola maniero precize determini
- la nombron de Esperanto-parolantoj estus tutmonda censo, kiu neniam okazis. La plej ampleksa enketo estis farita de Sidney S. Culbert [2]. Li faris intervjuojn en dekoj da landoj ĉirkaŭ la mondo kaj testis la lingvan konon.Surbaze de tiu ĉi enketo, li taksis
- ke ni havas ĉirkaŭ du milionojn da parolantoj tutmonde.
- En la lastaj jaroj la Esperanto-komunumajretejoj rapide kreskis. Ankaŭ provizis nin per pli precizaj iloj por taksi la grandecon de la Esperanto-komunumo. Dum prelegoj pri Esperanto [5-6] ni listigas plurajn parametrojn por taksi la forton de Esperanto en la interreto: la nombro da sukcesoj pri “Esperanto” en serĉiloj
- kiel Google, la apero de Esperanto en sociaj retoj kaj lernaj platformoj, kaj la kreskado de la Esperanta Vikipedio.
- La nombro da trafoj de la vorto “Esperanto” en Google ofte surprizas
- nepreparitajn aŭskultantojn. La nombro da sukcesoj en 2012–2015 variis inter 50 kaj 80 milionoj, kaj en 2019 ĝi superas 110 milionojn. Esperanto-parolantoj en Facebook En ĉi tiu laboro ni ĝisdatigas la taksojn de la nombro de Esperantoparolantoj en interreto, proponitajn de A. Wandel. La metodo uzas la nombron
- de Esperanto-parolantaj uzantoj de la socia reto Facebook.
Estrara Raporto pri la agado de UEA en 2018
- La revuo Esperanto publikigas tradician
- kurtigitan version de la Estrara raporto,
- kiu resumas la agadon ĉe UEA en la
- pasinta jaro.
- ENHAVO
- 124 ... La 9-a Azia-Oceania Kongreso en Danang, Vjetnamio
- 126 ... 50-a Malferma Tago
- 128 ... Eventoj: Venu en aŭgusto al Berlino – Ni festos la jubileon „10 jaroj Zamenhofparko“
- 129 ... Afriko brilas: Esperanto en Afriko: ĉiuj esperoj eblas
- 130 ... Recenzo: Knaranta muelilo
- 131 ... Unesko | UEA: UEA rendevuis ĉe Unesko
- 132 ... Rete: La Esperanto-reklama projekto realigita kun 30 359 000 legfojoj
- 133 ... Eventoj: La 20-a Israela Kongreso – unuafoje ankaŭ en Jordanio, kun MONA-kunveno
- 134 ... Estrara Raporto pri la agado de UEA en 2018
- 140 ... Rete: Tutmondaj Voĉoj bonvenigas novajn kunlaborantojn
- 141 ... Forpasoj
- 141 ... Oficiala Informilo
- 142 ... Opinio: Kiom da homoj en la mondo parolas Esperanton?