Universala Deklaracio de Homaj Rajtoj: 70 jaroj en Ĝenerala Asembleo, 10an de decembro 1948
Post 70-o da jaroj ankoraŭ la homaro ne sufiĉe evoluadis por akcepti por ĉiuj loĝantoj de la planeda
la homaj rajtoj.
LA ESPERANTO MOVADO
subtenas ilin en ĝiaj homaranaj devicoj de Universala frateco.
La Universala Esperanto-Asocio (UEA) deklaras sian solidarecon kun la principoj de homaj rajtoj kaj kun Unuiĝintaj Nacioj en ties strebado realigi tiujn principojn.
Fondita en 1908, UEA – la ĉefa monda asocio por la uzado kaj disvastigo de la internacia lingvo Esperanto – dekomence laboris por la ideoj de homa egaleco kaj tutmonda interkompreniĝo.
Kvardek jarojn poste, jam antaŭ la akcepto de la Deklaracio fare de Unuiĝintaj Nacioj, la Asocio enskribis respekton al la homaj rajtoj en sia Statuto kiel esencan kondiĉon por sia agado.
Nuntempe ĝi aktivas por dissemi informojn pri homaj rajtoj en pli ol 120 landoj.
Kvardek jarojn poste, jam antaŭ la akcepto de la Deklaracio fare de Unuiĝintaj Nacioj, la Asocio enskribis respekton al la homaj rajtoj en sia Statuto kiel esencan kondiĉon por sia agado.
Nuntempe ĝi aktivas por dissemi informojn pri homaj rajtoj en pli ol 120 landoj.
Homrajta Tago proksime koincidas kun alia ĉiujara festo – tiu de la naskiĝo de d-ro Ludoviko Zamenhof, la iniciatinto de Esperanto, kiu dediĉis sian vivon al la interfratiĝo de la homaro kaj kies naskiĝtagon oni festas la 15-an de decembro. “Absoluta justeco, egaleco kaj frateco inter la popoloj en la praktiko estas plene ebla,” Zamenhof asertis en 1905.
“Ĉiu lando,” li deklaris en 1906, “apartenas ne al tiu aŭ alia gento, sed plene egalrajte al ĉiuj ĝiaj loĝantoj,” kaj “en sia familia vivo ĉiu homo havas plenan, naturan kaj nedisputeblan rajton, paroli kian lingvon aŭ dialekton li volas kaj konfesi kian religion li volas” – sed tion fari en harmonio kun tiuj kiuj praktikas alian lingvon aŭ alian religion. Pro tio li rekomendis Esperanton kiel internacian lingvon por la tuta homaro.
Hodiaŭ UEA substrekas la kongruon inter la klopodoj de Zamenhof kaj la streboj por plene universaligi la homajn rajtojn. La Asocio invitas ĉiujn defendantojn de la homaj rajtoj konsciiĝi pri la graveco de lingvaj rajtoj kaj lingva egaleco en la laboro por atingi pli justan kaj pacan mondon kaj konfirmas sian plenan subtenon de la idealoj de la Universala Deklaracio"- ((El Gazetara komuniko de UEA N -700)
//…#UNESCO
Unesko-Kuriero - Oktobro-Decembro 2018
"La Universala Deklaracio de Homaj Rajtoj (UDHR) estas sendube unu el la plej elstaraj dokumentoj en la historio. La unua internacia traktato de etikaj valoroj adoptita de la tuta homaro servas jam dum sepdek jaroj "kiel komuna normo de atingo por ĉiuj popoloj de ĉiuj landoj", por citi el la parolo de Eleanor Roosevelt ] - Prezidantino de la Komisiono pri Homaj Rajtoj kaj de la Komisiono pri Redaktado de UDHR – farita ĉe la Ĝenerala Asembleo de Unuiĝintaj Nacioj la 9-an de decembro 1948, la tagon antaŭ ol la Deklaracio estis adoptita.
Aklamita kiel unika ĉarto de la homaro kaj akceptita kiel ŝlosila referencilo en la hodiaŭa mondo, kiam ektemas pri subteno de la homa digno de homoj ĉie, la Deklaracio ne estis imuna al kritiko, precipe alvokanta la argumenton pri kultura diverseco....."
--------------
--------------
"Estus konvene, ke Unesko
urĝu Unuiĝintajn Naciojn konsideri
[homajn rajtojn] minimuma normo de
nacia konduto kaj ne fiksita plejo, kiu estas
senmova kaj rigida en sia apliko. Kion ni
volas krei, tio estas la nocio, ke homaj
rajtoj estu ĉiam ekspansiiĝantaj dum la
homa regado de sia propra konduto kaj
la naturaj fortoj ebligu vastigon de ŝancoj
por homa disvolviĝo."
-----------
"Estas klare, ke lastatempa scienca progreso venigas nin
preskaŭ al la fino de ciklo, en kiu scienco riskas aperi kiel
unu el la ĉefaj faktoroj en la sklavigo de la homaro."
(legu en la pdf-senpaga eldono)
